要先介绍一下猪既妹妹，叫刘青（我估系留得青山在，哪怕无柴绍感解，阿世伯真系有环保意识喇），靓女一名（色狼们听到哩两个字都好期待），米8高（大家睇怕都只可以唱首高妹了），参加过新丝路model大赛。听讲都系同距d friend去，于是我好恁开心，因为我以为今晚都系d model（小弟哩排好les）。后来有话系广州某篮球队既队员，个个都两米。我高妹见得多，就系未见过2米既“巨人”，都好想见下。

      终于，我，猪，张枫风尘仆仆感去到和平吧。刘青，同一个唔算太高既美妹曼曼坐系一齐，对面系个好痩既男生（到走我都唔知距姓乜名乜，睇来我真系对男人无兴趣喇～）。一致商议离开果个好静既和平吧（点解peace要译成和平姐，宁静都得噶，个吧禁静，更系叫宁静吧啦～真系无文化）去joint高佬（都话唔知距叫乜啦）既friend。只佬一企起身，哇～我情不自禁感哇左出来，真失礼！好Q死高啊！我谂一间我米茱萸感！平生第一次嫌男生高得济！

      一行人转战天字码头见龙胜吧（好Q讨厌哩间野，一系因为同学聚会几乎次次都哩间野，高中初中都系，有年种要同一间房，懒唔有缘感！二系因为距明明就系K房，系都学人叫吧，个名仲好江湖气，out到死！），果然来哩度既人都好似个吧名感，全部到系伯虎级人马，原来只猪收错风，唔系打篮球果班野，系高佬d老总，仲有几个靓女（不过一眼就知系熟女）。我地坐买一二边，完全无好气理果班伯虎。好彩刘青提议我地自己开间房，于是又转战二楼。可能无男生，大家好似都唔系玩得好开，除左我之外（我出来前就誓神劈愿感谂我今晚一定要颠翻晚）。只高佬接口话牙痛，饮得好“随意”，但就成日偻人单挑。我梗系唔会好似距禁奸诈啦，饮！后来条高佬同刘青出去顷计，只猪同曼曼都有d意兴阑珊，于是难得开金口既我决定用我5音不全6音不正既超凡走音技术唤醒距地既斗志。好神奇感，我居然第一次成为米霸～

      2点打烊，我虽然饮得差唔多，但系我非常坚定感拉住只猪同枫枫奔向下场。鉴于比较近长堤，但是babyface有老龄化趋势，我地决定去babyface——隔离果间soho。两点几，个歌手唱埋距果晚最后一只，我地听到既唯一一只歌——饿狼传说！好fit个环境啊～不过同张学友差好远，连个样都系，不过真系几似只狼。我好high，一个人对距地两个，搞到系感对自己，不过我同自己讲，今晚点辛苦我都唔呕噶喇，所有苦水我往肚里吞！（有d豪既感觉）好快，半打百威无晒，我既思维能力同平衡力都无晒。于是我比距地的上的士，然后我就开始断片。

      隐约记得我系感号啕大哭（今朝早双眼皮好似半个乒乓波感，印证左我既记忆），爬楼梯仲好辛苦，翻到宿舍，我静系有力将我对隐形眼睛（下次去浦记得带日抛，筛晒我对刚开既月抛）挖出来掉左。跟着连装都无卸就达低左了。只猪今朝同我案情重组，话我训晚跌左系地下训，距就一直陪住我，比自己件外套我，搞到自己又冻又比蚊针，我真系好感动！我爱你！

      今朝10点几就起身，好头痛，但系已经无左果种屈住屈住既感觉喇！（唔好在翻来啊）哩排系中药同酒精既抗衡下我面如灰土，一个星期之内居然浦左3晚，我决定界浦一排，以此浦记约束自己。